تسجيل

منتديات بنات فيكة

مرحباً بك في منتديات بنات فيكة , اجمل منتدى ترفيهي عربي متكامل نتشرف بأنضمامك معنا ،،

إضافة رد
 
LinkBack أدوات الموضوع انواع عرض الموضوع
قديم 03-22-2013   #1
عضو مميز
 
الصورة الرمزية بنوتة فيكة
 
تاريخ التسجيل: Mar 2013
المشاركات: 40,449
افتراضي ومضات حزينه


لا مو زين
اضحك بالجذب ودموعي عالخدين
جنت صياد بالبر وانصدت بعدين
لا موزين
خذوا حقي وبلوني ابكل صلافة عين!
هجم بيهم الذيب وصاحوا امحشمين
فزعت الهم واجتني بالظهر سجين
لا مو زين
أنه عشت ابزمن ما يلحك الماشين
نتنفس صدك بس جنه متبنجين!
لا مو زين
مقياس البشر مجنون جي قاس الذهب بالطين
ومساوي الصبغ بالدم!لان يجمعهن التلوين!
لا مو زين
إذا وكت الضهر ننباك
من حقه الحرامي ايعيش عالميتين!
ومن حقها العداله اتموت
لو حاكمنا حكمه ايصير عالتخمين!
لا مو زين
وي طرت الفجر غباش صار اسنين
ادور بلكي ضلت ريحة اموافين!
لا مو زين
شفت الغيرة حارت تتجه لاوين!
مثل زينب ابيوم انكطعن الجفين
وياحيرة الغيرة ابناس مدري امنين!
كل همها الربح ومبرمجه ابوجهين!
لا مو زين
وشفت وحشي تشوفه ابهيئة الانسان!
بس ايبيع كلشي لو عله التثمين
ايده بأيدك ويضحكلك ابكل حين
مستنضر يعلسك للي يدفع زين!
لا مو زين
شفت الغيبه طبت نص الدواووين
بدت قبل التتن وبفر الفناجيين!

لا مو زين
سمعت الدين يصرخ وين أهل الدين
وأنه اوياهم تركناه ينتظر بعدين
لا مو زين
الحق واحد يدوخ لو يصير اثنين
ويل تسألني اسألك هالقساوة امنين!
باطباع البشر والرحمة راحت وين!
شجاهه الناس وشيمليها هاي العين!
لا موزين
الكلب من يختلف ويه الشرايين
تصير الجثه كلها امصاحبه البين
لا مو زين
وإذا شفت الورد طاح امن الاغصان
ذنب الناس مو ذنب البساتين!
وإذا تقرأ الجذب تارس الحيطان
لوم الكتب لتلوم الحياطين
العصافير البجن أذني يفلان
خلني احسد اعقول المجانين!
لا مو زين من انشوف دفان
يدعي ابكل قذيفه اتموت ميتين!
لا مو زين
وابد مو زين من انشوف شبان
غطاهم الشيب ابعمر عشرين!
لاموزين لا موزين لا موزين


من روائع الشاعر حسين الساعدي
اتمنى الانتقاء ينال اعجابكم


مشتاقه لحبيبي يا ناس يا عالم

بنوتة فيكة غير متواجد حالياً   رد مع اقتباس
قديم 03-22-2013   #2
عضو مميز
 
الصورة الرمزية بنوته
 
تاريخ التسجيل: Mar 2013
المشاركات: 52,971
افتراضي


طرح رائع
يعطيك الف عافية

بنوته غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are متاحة




الساعة الان : Loading...
Powered by vBulletin® Copyright ©2000 - 2014, Jelsoft Enterprises Ltd.
Search Engine Optimization by vBSEO ©2011, Crawlability, Inc. TranZ By Almuhajir